GUXIM (poezi)

Hil MOSI

Ti ke pas’ pa do koh’ edhe ma t’vshtira,

Ti ke pas’ hjek, ma shum’ mjerim,
Prandej qindro burrnisht sikur përpara
E mos u tremb, por ki guxim!

Shum’ dallgë t’rrepta ti i pate hjekun,
Që ty t’u turrshin me rrëmbim,
E pra mbasi der sot trimnisht qindrove,
Ti mos u tremb, por ki guxim!

Sado e rrept’ që mundet t’jet’ duhia,
Mos u frigso, por banu trim!
Do t’bahesh prap i fort sikur përpara,
Por mos u tremb, e ki guxim!