Se ç’na çeli fusha,
mali ç’na gjethoi,
nga çdo gur mermeri,
mali ç’na gjethoi,
nga çdo gur mermeri,
vjen një zë heroi.
Na vjen zëri i luftës,
nga shokët e rrallë,
që i rrinë kohës,
si yje në ballë.
nga shokët e rrallë,
që i rrinë kohës,
si yje në ballë.
Ku na mbetën djemtë,
ku jini-o trima?
-Dritë e zjarr u bëmë,
nëpër vetëtima!
ku jini-o trima?
-Dritë e zjarr u bëmë,
nëpër vetëtima!
Ku na mbetën vajzat,
ku u shkoi rinia?
-Nuse me të kuqe,
na veshi Liria!
ku u shkoi rinia?
-Nuse me të kuqe,
na veshi Liria!
Vashëza syzeza,
djelmosha syzinj,
mbetët-o përjetë,
siç ishit-të rinj.
djelmosha syzinj,
mbetët-o përjetë,
siç ishit-të rinj.
Në gjoks të Atdheut,
vargan kuqalosh,
që nga Konispoli,
e gjer në Vermosh.
vargan kuqalosh,
që nga Konispoli,
e gjer në Vermosh.
Ju shohim sërish,
si kohëve të zjarrta,
rrethuar me yje,
dhe germa të arta.
si kohëve të zjarrta,
rrethuar me yje,
dhe germa të arta.
E ju ndjejmë zërin,
zjarr revolucioni,
betejë pas beteje,
skalion pas skalioni.
zjarr revolucioni,
betejë pas beteje,
skalion pas skalioni.
“Jam dhe do të mbetem,
përjetë komunist,
dridhu-ti gjykatës,
dridhu-ti fashist!”
përjetë komunist,
dridhu-ti gjykatës,
dridhu-ti fashist!”
Zëri i Qemal Stafës,
zemrat na rrëmben,
Maji ngre flamujtë,
pranvera shpërthen.
zemrat na rrëmben,
Maji ngre flamujtë,
pranvera shpërthen.
Përmbi tonin-flamur,
ngrihet Vojo Kushi,
me fytyrë të gjallë,
ndezur porsi prushi.
ngrihet Vojo Kushi,
me fytyrë të gjallë,
ndezur porsi prushi.
Përshëndet me grusht,
nga Kodra e Kuqe,
i bulojnë në ballë,
plagët si burbuqe.
nga Kodra e Kuqe,
i bulojnë në ballë,
plagët si burbuqe.
Me lule dhe armë,
ulur midis nesh,
trimi Vasil Laçi,
ëmbël buzëqesh.
ulur midis nesh,
trimi Vasil Laçi,
ëmbël buzëqesh.
Krehur flokët-o,
zjarrit e stuhisë,
i bukur si shkoi,
në gji të Lirisë.
zjarrit e stuhisë,
i bukur si shkoi,
në gji të Lirisë.
Ç’po këndon si dje,
pranë çdo istikami,
Internacionalen,
Manush Alimani.
pranë çdo istikami,
Internacionalen,
Manush Alimani.
Stolisur me yje,
e bardhë si drita,
me trakte në dorë,
na vjen Margarita.
e bardhë si drita,
me trakte në dorë,
na vjen Margarita.
Nuse-përmbi rrap,
me krahë petriti,
ngrihet Persefoni,
dhe Bule Naipi.
me krahë petriti,
ngrihet Persefoni,
dhe Bule Naipi.
O heronj të rinj,
shokët tanë të rrallë,
Maji ju stolisi,
me lule në ballë.
shokët tanë të rrallë,
Maji ju stolisi,
me lule në ballë.
Vini radhë-radhë,
si shkonit furtunës,
heronj nga të luftës,
heronj nga të punës.
si shkonit furtunës,
heronj nga të luftës,
heronj nga të punës.
Krah për krah me Zonjën,
shqipen si shigjeta,
dallgëve ndrin e kuqe,
Zeliha Allmeta.
shqipen si shigjeta,
dallgëve ndrin e kuqe,
Zeliha Allmeta.
Zjarr e ndezi detin,
Mujo Ulqinaku,
sërish kundër hasmit,
Frani ç’e përflaku.
Mujo Ulqinaku,
sërish kundër hasmit,
Frani ç’e përflaku.
Flakë si Vojo Kushi,
flakë ish e flakë mbeti,
flakë Ilia Kiçi,
sa s’e shuan deti.
flakë ish e flakë mbeti,
flakë Ilia Kiçi,
sa s’e shuan deti.
Ylli Zajmi-yll,
Shqipërisë i çeli,
si Perlat Rexhepi,
si Asim Zeneli.
Shqipërisë i çeli,
si Perlat Rexhepi,
si Asim Zeneli.
Vashëza syzeza,
djelmosha syzinj,
mbetët-o përjetë,
siç ishit të rinj.
djelmosha syzinj,
mbetët-o përjetë,
siç ishit të rinj.
Në gjoks të Atdheut,
vargan kuqalosh,
që nga Konispoli,
dhe gjer në Vermosh.
vargan kuqalosh,
që nga Konispoli,
dhe gjer në Vermosh.
Në të gjithë shekujt,
këtu do të ndrijë,
numuri i shenjtë,
Njëzet e Tetë Mijë.
këtu do të ndrijë,
numuri i shenjtë,
Njëzet e Tetë Mijë.
Tiranë, më 5 Maj 1977 Në gjoks të Atdheut – vargan kuqalosh
